ليش تنتقدهم وتتطنز عليهم؟

سلام عليكم

 نزلت ٢ ريفيوز امس واول امس والحين برد على التعليقات اللي ياتني من ريفيو زين وبنك البحرين الاسلامي
وفي نفس الوقت عشان اوضح ليش مابي انزل الريفيو الثالث الحين مع انه جاهز

الشركات اللي نفس زين و بنك البحرين .. يعطون شركات ثانية اجنبية عادة تشتغل على هالبرامج
طبعا اهمه مايهمهم .. السالفة فيها فلوس .. ماعنده اي فكرة عن اليوزر
وشلون بيستخدمه .. وهل بيعجبه او لا
غير هاي .. مافي
user case testing
عشان جذي ماتحس بالابليكيشن مقارنة بالبرامج اللي نستخدمها على طول

زين وبنك البحرين طرشوا لي تويتات اي شكرا وبنجوف ومادري شنو
وبعضهم قالوا قاعد تضيع وقتك ترا اهمه مو مهتمين اصلا

BISB Android App Review

Zain Bahrain Android App Review

ادري .. القصد والهدف من كل هاي مو انهم يغيرون شي
وهالمجال قاعد ادرسه واشتغل فيه .. ماضيعت وقتي على الفاضي

الهدف من هالريفيوات .. ان اوصل رساله للي يستخدمون هالبرامج
ترا قاعدين يتطنزون عليكم .. اليوزر مايفهم ، عادي عطه اي شي .. اهم شي نقول له احنا عندنا موبايل ابليكيشن

ومع ان الابليكيشن كجرة ، تجوفه يحصل جائزة افضل تطبيق في البحرين
ليش؟ لأن اهوه الوحيد في الماركت
-السالفه صج-

مابقارن على مستوى العالم ، بس السعودية ماشاءالله احسن منا في الشي
ماتطنز

اتمنى اللي في هالمجال يتشجعون يتنقدون ويحللون البرامج العربية
مو عشان نتطنز ونضحك ، لاء .. علشان لما شخص يفكر ينزل شي في الماركت
يعرف ان اليوزرز فاهمين ومابيقبلون اي شي ، يفكر الف مرة في ال
user experience -UX-
قبل ماينزله

وبس
😀