التورنت للأفلام بس؟

تبي بإختصار وبدون تفاصيل؟ لاء ، استانست ؟

المهم..

اول شي اشرح لي يعني شنو تورنت
بروتوكول يستخدم لمشاركة الملفات ، وخاصة الملفات الكبيرة

نفترض انك تبي تطرش فيديو حجمه 1 غيغا لشخص ، هل بتطرش له بالايميل او بتستخدم مواقع ثانية نفس الدروب بوكس او ميديا فاير
اكيد بالايميل مايصير لانك بتحتاج سنة للأبلود ، واصلا الشركة اللي بتعطيك الايميل حتى لو بفلوس مابتخليك ترفع ملفات 1 غيغا كل مرة
صديقك الثاني قال يبي نفس الفيديو ، بتطرش له مرة ثانية ؟ اذا ماصحت وسبيت روحك

الفكرة من التورنت انك تقدر تشارك الناس ملفاتك ، حتى لو 1 تيرابايت
بشرط الملف يكون موجود على جهازك ، والانترنت يكون سريع (مو نغزة) اوكي

الآبلود بيكون من طرفك انت اول شي ، تطرش له مثلا 100 ميغا *اول دفعة
الشخص اللي عنده اول 100 ميغا ، بيساعدك وبيطرش حق البقية
يعني مو بس انت اللي تطرش ، اي طرف عنده جزء يشارك البقية
بهالطريقة ماراح يعتمدون عليك انت بس
والداونلود بيكون اسرع اذا كان عندك عدد كبير من الاشخاص

Torrent Sharing Diagram

مافهمت
– What is Torrent Downloading and How it Works? Link
– What is Bit Torrent Link

في شنو اقدر استخدم هالاختراع ؟
في كل مكان ، الشركات الكبيرة تستخدم هالبروتوكول كــ
File Sharing
الخدمة نفسها مو حرام ولا غير قانونية
المشكلة في طريقة استخدامنا
(مو مشكلة بالنسبة لنا احنا ، بالعكس ، بس شركات الانتاج تعتبرها مشكلة)
وعلشان جذي نسمع 
كل فترة عن قضايا ومشاكل مواقع التورنت

موقع
The Pirate Bay

للحين في صراع مع شركات الانتاج ، لأنهم يخسرون الآلاف والملايين بسبب الملفات الغير قانونية
هالموقع فيه لستة الافلام والمسلسلات وحتى البرامج والالعاب
مجرد استضافة لملفات صغيره
Torrent Files
تقدر تنزلها وتفتح برنامج التورنت
uTorrent مثلا
وتنزل اللي تبيه

عندهم فلم -دكيومنتري- على اليوتيوب
TPB AFK: The Pirate Bay Away From Keyboard Link

من اللي يرفع الافلام والبرامج؟
اي شخص عنده انترنت يقدر يرفع او ينزل ملفات من التورنت
ولهالسبب ، الفايروسات تنتشر بسرعة في التورنت

قبل فترة نزلت فلم 700 ميغا
طلع فايروس اخر شي
-لاتضحك-

شلون اتأكد من الفلم؟
تنزل من مواقع مشهورة
تتأكد من اسم و صيغة الفلم و الكواليتي
تتأكد من صاحب الملف ، وتقرأ التعليقات ، وتدور في اكثر من موقع
بعد ماتنزل الملف ، تسويه سكان بالأنتي فايروس

بعض البرامج وياها كراك او باتش ، لازم تصك الانتي فايروس
هني على حظك وعلى مسؤوليتك ، اذا طلع فايروس ، فورمات