افضل المسلسلات الامريكية 2013-2014

سلام

اي اي ، هالمرة مو عن التكنلوجيا
this post is only about series

كلمن عباله ماعندي شي ثاني غير الآي تي ، فما يتكلم وياي الا عن الآي تي
انزين ترا اتابع اشيا ثانية .. انا طبيعي نفسك ها هههههههه

بتكلم بشكل مختصر جدا عن المسلسلات الامريكية اللي اتابعها من 2013
في وايد .. بس مسلسلات قديمة .. لاتقول لي ماتقدر تقارنهم ب فرندز او برزن بريك
قاعد اتكلم عن 2013 2014

و مو بالترتيب .. عشان محد يقول
او ام جي هالمسلسل احسن من ذاك ؟ من صجك؟
لاء .. كلهم فنن

 

Game of Thrones

Fantasy, Drama, Adventure

مع ان ماحب المسلسلات اللي جذي
بس رفيجي خلاني اطالع اول سيزن .. ماقدرت اوقف عقب ههههه
من احلى المسلسلات اللي تنتظر سنة كاملة بس علشان عشر حلقات
تحذير .. فيه كل شي غلط في الحياة ، طالعه بروحك

بترجمة ام بي سي .. لعبة العروش
بس بتجوف الانترو .. واحد يسولف .. واحد يركض .. وحدة تسولف .. خلصت الحلقة

 

Breaking Bad

Crime, Drama, Thriller

تتملل من اول سيزن .. بس عقب لما تتابع وياهم وتعرف قصتهم
ماتقدر توقف .. بس للاسف خلص
لما كانوا ينزلون حلقة وحدة .. كلمن كان يتكلم عنها وينزل فيديوات و
posts in Reddit and Twitter
عن توقعاته وشنو بيصير ويحلل الحلقة كلها

شخص عادي .. يمرض ويكتشف ان عنده كانسر
تتغير حياته بشكل مو طبيعي .. مو طبيعي

 

American Horror Story

Drama, Horror, Fantasy

اذا انت مو صاحي .. ذس از فور يو
اذا طالعت اول سيزن ماعجبك .. لا تكمل
ابدااااع

 كاتب قصه هالمسلسل ومسلسل
Hannibal
يمكن كانوا في مستشفى الامراض النفسية .. مادري

كل سيزن قصة .. ثالث سيزن شوي تمللت في البداية
بس لما كملت .. WOW!!

السيزن الرابع .. توهم اول جم حلقة
ITS A FREAK SHOW!

 

Fargo

Crime, Drama

الكل كان يتكلم عنه .. طالعت اول حلقة ، لا خلاص بخلصه هاليومين
شخص بريئ على نياته ، يتأثر بالاشيا اللي تصير له .. يسوي اشيا في حياته محد فكر انه يقدر يسويها

 

The Walking Dead

Drama, Horror, Thriller

ماتابع المسلسلات والافلام اللي تتكلم عن الزومبيز والمخلوقات الغربية
من اول حلقتين .. تكمل الباقي في اسبوع 😛

مو نفس المسلسلات الباقية بس يقتلون واهمه احسن ناس ومادري شنو
المسلسل فيه قصة .. لازم تطالع وتركز من البداية

 

Orange is the new black

Comedy, Drama, Crime

قصة وحده في السجن .. بس اللي وياها كل وحده قصتها اغرب من الثانية
علاقات غير شرعية والعياذ بالله .. ومانصحك تطالعه في ام بي سي لأن بتصير الحلقة عشر دقايق بس
اهيه تحاول تتأقلم وتتعود عليهم .. بس كل يوم تصير لها سالفه

 

True Detective

Crime, Drama, Mystry

صار لي 3 ايام على حلقة وحدة بس .. اتملل بسرعة
صكيته وكنسلت .. بس مابطالعه
انزين كلمن يقول حلو ، والتقييم اللي اهوه ال
rating
فوق .. انزين خلنا نطالع نتحمل شوي

من خامس حلقة ، صار شوي فنن

Da Vinci’s Demons

Drama, Fantasy, Adventure

قصة دا فينشي بس معدلة شوي
تبي تصير نفسه .. تكون بداله . عجيييب

 

Also Watch

  • Hannibal
  • The Following
  • The Leftovers
  • Suits
  • Sherlock

 

بعضهم ينزلون السيريز وبعضهم يطالعون اونلاين
بس ابي اقول شي واحد حق الشخص اللي يطالع هالسيريز في ام بي سي
وبالترجمة العربية .. طالع افلام هندية وايد احسن لك

اذا عندك مسلسلات عجيبه .. طرش لي هني
وبحاول كل فترة اكتب عن الاشيا اللي عجبتني

Please share the post and subscribe

معلسلامة

😀