هل اسجل في بوليتكنك البحرين؟

[TBS_ALERT color=”info”]

BP Admission 2015-2016 is closed

[/TBS_ALERT]

سلام عليكم ..

كملن يسأل هالايام هل اسجل في جامعة بوليتكنك ؟
طبعا التسجيل بيكون مفتوح للطلبة الجدد من يوم الاحد تاريخ 11 مايو 2014
بس السؤال الاهم قبل ماجاوب على سؤالك
تعرف شي عن جامعتنا؟.

انا طالب آي تي اخر سنة لي في البوليتكنك
اشتغلت وياهم في الآي تي وحاليا اساعدهم في الستيودنت سيرفسز

تقنيا بوليتكنك البحرين مو جامعة ، تعتبر بين المعهد والجامعة
يسمونها بوليتكنك بس لأن احنا تعودنا على كلمة الجامعة

 

من ناحية الدراسة

طلبة الجامعات الثانية يتطنزون علينا ان احنا نلعب وماندرس كلش
بس لأن ماعندنا كتب
اممم ، صح ، ماعندنا كتب ، بس عادي ندرس اكثر منكم
كل شي اونلاين*
لأن طريقة الدراسة عندنا اكثر شي تطبيقي/عملي
اغلبية الاوقات مايقولون لك تعال احفظ الكتاب وقدم الامتحان
لاء ، عندنا بروجكتات واسايمنتات

سمسترين في السنة ، في كل سمستر تقدم اكثر من اسايمنتين
-Average-
وعلى حسب التخصص ، بعضهم عندهم امتحانات
فاينال و مدتيرم
بعضهم ماعندهم

تقدم امتحان القبول وتعطيهم الاوراق المطلوبة
على حسب النتيجة بيخلونك فاونديشن او تدش
Degree
اللي اهوه التخصص

 

الفاونديشن

*اذا كلش درجاتك زفت
قبل التخصص يعطونك انجليزي – ماث – آي تي
بعد يعتمد على نتيجة الامتحان .. يشيلون مادة او لا
اذا نجحت بتدش دقري وبتدرس 4 سنوات التخصص

 

التخصصات

  • Business
  • Engineering
  • ICT
  • Logistics
  • Visual Design
  • WebMedia

For more information about the Programmes Click Here

تدرس اول سنتين بشكل عام عن التخصص
وعقب تختار ال
Major

مثلا في الآي تي اول سنتين تدرس
Networking, Programming, MIS, Database
عقب هالسنتين تختار في شنو تبي تتخصص

في البروجكتات بتتعامل دايركت ويا الشركات وبتعرف برع شلون
يعني مو بس حفظ واشيا نظرية
-مو نغزة-

 

من ناحية ال Environment

الدراسة بالانجيليزي اكثر شي
مانصحك تدش اذا كلش ماتبي تتعلم انجليزي
اذا ماتعرف عادي في الفاونديشن بتتعلم
عبالك احنا كنا جكن نقتس في المدرسة ؟

الاساتذة اغلبيتهم متواضعين ويساعدونك
-على الاقل يسلمون عليك- كلش ماقصد احد
اغلبيتهم ، ماقدر اعمم لأن نفس كل الجامعات بتحصل كل الانواع والاشكال

الجامعة للبنات والصبيان
كلنا ربع ، بس اذا تستحي او متزوج وزوجتك ماترضى عادي تقعد ويا الصبيان بس
اذا متخرع بتدش علشان هالشي بس ، انصحك تروح جامعات ثانية معروفة حق هالسوالف

عندنا مجلس الطلبة ، و فعاليات واكتفيتيز للكل
واحسن شي انهم كل يومين يطرشون لك
Job Opportunities
اذا وايد مستعيل تبي تشتغل

بإختصار
Its not perfect, but its the best for me
لأن ماحب احفظ واروح اقدم امتحان
ثانيا الجو مايساعد في باقي الجامعات للدراسة

 

وشنو السلبيات؟

لأن بوليتكنك صار لها 5 سنوات تقريبا
اكيد للحين في اشيا تحتاج تعديل

  • الباركات: لازم تروح من سبع ونص ، او عادي يخلونك تبركن صوب المدرسة
  • الاكل: بشاير ، وتقدر تطلب من جسميز اذا تبي ، بس المفروض نكست سمستر يفتحون الفود كورت
  • الخطة الدراسية: بعض التخصصات غيروا الخطة اكثر من مرة ، وهالشي يخليك تتخرج في 5 سنوات .. بس على قولتهم خلاص الخطة ثابتة مابتتغير .. حاليا
  • الكل سمع عن المشاكل اللي صارت والادارة تغيرت و صرنا تحت وزارة التربية والتعليم ، وجفنا الفرق بين الفترة القبلية والحين ، بس اذا بتقارن بين الجامعات .. الحمدلله
  • صعبة تحصل فل مارك ، وفي بعض التخصصات ماتقدر تشتغل بسبت اللود ، بس بعد في اماكن ياخذون طلبة الجامعات نفس FUN Zain

 

اذا تبي تسجل بتحصل كل شي عن التسجيل هنا

عندك اي سؤال حياك اسأل هني
وبس خلاص
معلسلامة