شلون احمي اكاونتي في تويتر؟

سلام ..

سؤال على السريع ، حافظ باسوردك ؟ تعتقد محد يقدر يصيد باسوردك العجيب؟
اي ؟ حلو

كلنا سمعنا وجفنا اوادم مهكرين اكاونتاتهم ، ويقولون لك حط باسورد صعب
المشكلة لما تركز على الباسورد بس وتنسى كل الاشيا الثانية

انزين ..

بحاول في هالجم بوست احط جم اوبشن ممكن يفيدك في “حماية الحساب الالكتروني”
ينفع اتحجى عربي جذي لا

المهم ..
تابع وياي

رقم واحد

اذا تحب ديزاين الموقع وتدش كل مرة من الكمبيوتر
استخدم

https://twitter.com/

بدل

http://twitter.com/

لاحظت ال إس ؟ حرف مهم ، يشفر لك كل المعلومات بينك وبين سيرفر الموقع

رقم اثنين

ادخل موقع تويتر
على اليمين فوق كلك على آيكون الاعدادات

وعقب Settings
على اليسار اختار Account
وتأكد ان ايميلك صح وهاي اللي تستخدمه على طول

 

افضل تستخدم الجيميل ، لأن بتكلم عن الجيميل في الحلقة القادمة

 

 

رقم ثلاثة

من الاشيا الريكومندد ، بس مو لازم تسوي هالشي

عشان محد يحاول يتجرأ يسوي ريست باسورد

 

 

رقم اربعة
اهم خطوة في العالم

على اليسار اختار Mobile

و حط رقمك ، بيوصلك مسج حق الكونفرميشن
وعقب عندك اوبشنز اذا تبي يوصلك مسج اول مايسوون لك ريتويت او منشن

ليش اهم خطوة ؟ لاسمح الله واحد باق الاكاونت والايميل ، تقدر ترجع الاكاونت برقمك
اذا خايف على البرايفسي و انت شخصية مهمة .. مانصحك

رقم خمسة

اخر خطوة
Apps
هالاختراع مهم حتى لما يصيدك فايروس واكاونت يطرش وصلات خلاعية
اي برنامج او موقع لينكد ويا اكاونتك تشيله ، اذا ماتحتاجه طبعا

كلك على ريفوك أكسس وخلاص رفرش .. تداا

طبعا ماقدر اقول لك حط باسورد سهل وطبق كل هالاشيا
اكيد انت لازم تعرف اي لينك فيه فايروس وماتفتح اي رابط يطرشونه لك

المفروض استخدم كلمات عربية اكثر .. روابط وكلمة المرور

بس خلاص
😀