Bahrain Polytechnic Youth Forum 2015 #LastSeen_BPYF

السلام عليكم

 

اكثر من اسبوعين تقريبا يكتبون في هاشتاق
BPYF2015
وماندري شسالفة

 

ايفينت في الجامعة والمنظمين طلبة الجامعة
قعدت اسأل شوي واحاول افهم شسالفة الهاشتاق
وليش قاعدين يتكلمون ضد السوشال ميديا في السوشال ميديا

 

BPYF2015 Logo

الفكرة من الملتقى انهم يتكلمون عن السوشال ميديا وتأثير هالمواقع علينا

 

نبتدي بسم الله

المكان كان ممتاز .. في قاعة البحرين الجديدة في بوليتكنك مدينة عيسى
التنظيم حلو .. ومرتب
الوقت .. ممتاز ومناسب

ماحضرت من البداية .. بس لما دشيت جفت كلهم يسولفون
وواحد قاعد يتكلم بروحه .. قلت حلو .. من اولها

بس عقب البريك شخص واحد لفت انتباهنا

 

سامي البوعركي

سامي البوعركي

محاضر ومدرب محترف

 

كان يسولف ويانا بطريقة عجيبة .. موضوعه عن الاهداف في الحياة

ان اللي تسويه لازم يوصلك لشي انت تبيه

هاي بعض النقاط اللي تكلم عنها
ملاحظة مهمة .. طريقته في الشرح جنه يسولف وياك
يجذبك ويخليك تنتظره يوصل النقطة اللي يبي يتكلم عنها

 

1. بعضهم يقولون اذا تخرجت خلاص بفتك .. لا .. الشهادة لها اكسبايري ديت

2. ساعات نضيع وقتنا في اشيا بايخة .. لاحظ شقاعد تسوي طول اليوم

3. في اشخاص يستخدمون الانستقرام في اشيا مفيدة .. يبيعون ورق عنب وكب كيك .. وبعضهم يطرشون صباح الخير جوفوا شفايفي

4. لاتنتظر احد يسوي شي عنك .. شيل روحك بروحك .. اعتمد على نفسك .. صير ريال

5. في اشيا لازم تغيرها .. مثل عاداتك .. ابتدي عادات جديدة .. مثل ربعك .. بدل ربعك بتتغير

6. نافس روحك .. شكنت امس .. وشنو انت اليوم

7. كن مع الافضل

8. Life doesnt give you what you want, life will give you what you deserve.

9. في ناس حياتهم بس اكل .. مادري شبيسوون عقب
احنا موجودين في الدنيا عشان نترك اثر

 

كنت بسأله بس ماصار .. ان شاءالله
we will meet soon

 

Event Marketing

نروح شوي للماركتينق
اخطاء صارت واتمنى الكل يتعلم منها .. وايد تحلطموا بسبتها

الهاشتاق في تويتر مسوينه عشان تتكلم عن موضوع معين .. حلو
المشكلة ان كل واحد قعد يكتب بس الهاشتاق بدون مايكتب شي
و ألف واحد يرتوتون له
تجوف التايملاين كله .. 300 تويت .. بس الهاشتاق
سويناه ميوت
تجوف واحد ثاني يكتب عن الهاشتاق .. ويقول لك السوشال ميديا سلبي وسيئ
جذي تبي تقنعنا؟

 

المهم
الماركتنق وايد مهم بالنسبة لهالايفنتات .. اتمنى توصلون الفكرة بطريقة ثانية
وايد كانوا يتحلطمون بس يمكن لانهم يعرفونكم مايقدرون يتحجون لأن بتزعلون

 

Logo and Website

بما ان الموضوع كله عن السوشال ميديا .. والتارقت اهمه الشباب
المفروض يكون عندك شي اونلاين .. حلو .. حاطين لينك الموقع
bhpolyforum.com
بس اللي يضحك شوي ان شكله من ايام 2003
لما كنا نستخدم فرونت بيج ونحط جم لون على بعض
لما ادش من التلفون لازم اسوي زوم .. موقع الجامعة مو جذي الحين تطور
الويبسايت يفشل .. كله صور
pixilated
و مو
responsive!!

المهم

اذا حاب تسوي موقع للايفنت .. يا انك تسويه بطريقة حلوة وتجذب اللي بيحضر
او تسوي
one page website
تخلصه في ساعتين بس
او ان تحط فيه صورة وحدة .. واللي يبي معلومات اكثر يدش انستقرام او تويتر

 

السوشال ميديا اختراع .. فكر شلون تستخدمه بطريقة عدلة
وشلون تفيد الناس وتفيد نفسك .. وفي نفس الوقت مايكون حياتك وتعتمد عليه بشكل كلي
اذا طار اكاونتك بتزعل اكيد .. بس مابتموت

 

شكرا و ان شاءالله في اشيا حلوة اكثر

معسّلامة
😀